كتجوع في الليل و ما تلقى شي في الدار (نكذب تعشيت مال6 😒) قلت نمشي لchicago’s بن عروس 10 دقايق مش بعيد.. مع العشرة تقريبا، وصلت بعد ما تبعت l’itinéraire الي موجود على صفحتهم كوصلت نلقاهم مسكرين 😣 الحق هزيت التليفون و كلمتهم بغش.. – الو، خويا بربي سمحني علاش حاطين على الصفحة متاعكم مزلتو محلولين وواحد وقت يجي من اخر الدنيا يلقاها مسكرة!!! -خويا مرحبا بيك كانك قريب تفضل بحذانا، فما حاجات وفات و قلت الحركة سكرنا (و عندو الحق خاطر البلاصة ما تخدمش في الليل) -مسالش مرة اخرى – والله لاصارها.. و بقيت شادد صحيح حتى ريت الريدو يطلع و الضو تحل وانا مع كالجوع تقول مغارة علي بابا تحلتلي 😍😍 بصراحة حشمت الي يخدمو غادي كانو متربين برشا معايا و حطولي طاولة و أصروا نتعشا غادي من غير من نهز معايا للدار.. 6 دق وال plat backed chicago beef حضر نخليكم تكتشفو مكوناتو وحدكم اما بصراحة بنين برشا لدرجة تبدا تاكل فيه و مذبيك ما يوفاش.. و خاصة النظافة كل شي ممتاز مالservice للbouffe لل cadre.. و انا بصراحة منيش مالنوع الي يشكر على العكس متذمر و ما يعجبني شي (حتى في الدار🤣) Plat ب 13دينار Potatoes 2د الحمد الله الواحد لقا حاجة بنينة بسوم معقول في هالبلاد.. 🙏👌